Ауа райы
Астана -4 °С
Алматы 8 °С
валюта бағамы
USD 421.58
EUR 496.83
RUB 5.53
CNY 62.20

Италияда бір тәулікте коронавирустан көз жұмғандар саны рекордтық деңгейге жетті

2020 жылдың 28 наурыз 2020 01:45

НҰР-СҰЛТАН. ҚазАқпарат - Италияда коронавирустан көз жұмғандар саны өсті, деп хабарлайды ҚазАқпарат Euronews жаңалықтарына сілтеме жасап.

Италияда соңғы тәулікте 969 адам қауіпті дерттен қайтыс болған. Азаматтық қорғаныс департаментінің мәліметінше, бұл - пандемия басталғалы болған ең үлкен көрсеткіш. Оның арасында бір күн бұрынғы статистикаға қосылмай қалған 50 адам бар.

Италияда вирус жұқтырғандардың жалпы саны Қытайдағы көрсеткіштен әлдеқайда асып, 86 498 адамға жетті. Соңғы тәулікте елде 4401 адам жаңадан коронавирусқа шалдыққан.

Төтенше жағдай комиссары Доменико Аркури Римде өткен баспасөз конференциясында медициналық материалдарды жеткізуге әскери көлік, оның ішінде тікұшақ тартылатынын айтты.

Жоғары денсаулық институтының мәліметінше, Италияда эпидемия өршуі басылған жоқ, дегенмен оған дейін аз уақыт қалды. Оны жұқтыру қарқынының бәсеңдегеніне қарап білуге болады дейді институттағылар.

Қазіргі таңда қатерлі індетті жұқтырғандар арасында 93 151 адаммен АҚШ көш бастап тұр. Бірақ онда қайтыс болғандар саны аз - 1382 адам.


Перевод Жанат Қапалбаева
Басты сөздер: Еуропа, Әлем, Коронавирус,
Жоғары қарай