Ауа райы
Астана 19 °С
Алматы 19 °С
валюта бағамы
USD 405.69
EUR 455.51
RUB 5.72
CNY 57.42

27 наурыз. Туған күн иелері

2020 жылдың 27 наурыз 2020 08:10

НҰР-СҰЛТАН. ҚазАқпарат - Бүгін, яғни 27 наурызда тұлғалардан кімдер дүниеге келген? ҚазАқпарат оқырмандарына есімдер күнтізбесін ұсынады.

ЕСІМДЕР




63 жыл бұрын (1957) Әл Фараби атындағы Қазақ ұлттық университетінің ректоры, техника ғылымдарының докторы, профессор, академик Ғалымқайыр Мұтанұлы МҰТАНОВ дүниеге келді.

Семей облысы Жарма ауданы Белтерек ауылында туған. 1979 жылы Қазақ политехникалық институтын «Автоматика және телемеханика» мамандығы бойынша бітірген. Еңбек қызметін Рудный индустриялық институтында бастады. Мәскеу болат және қорытпалар институтының «Түсті және сирек металдардың технологиялық үдерістерін автоматтандыру» кафедрасында екі жылдық ғылыми сынақ мерзімінен өтті. Мәскеу мемлекеттік кен университетінің «Автоматтандырылған басқару жүйелері» кафедрасында аспирантура мен докторантурада оқыды.

1995 жылы Солтүстік Қазақстан мемлекеттік университетінің ректоры болып тағайындалды. 2002 жылы ҚР Білім және ғылым бірінші вице-министрі болды. 2003 жылғы шілде айында - Д.Серікбаев атындағы Шығыс Қазақстан мемлекеттік техникалық университетінің ректоры болып тағайындалды. Ғ.Мұтанов 10 халықаралық академиялардың академигі болып табылады. Ол әлеуметтік-экономикалық үдерістер аясындағы тақырыптарға жазылған 400-ден артық ғылыми жарияланымның, соның ішінде 10 монографияның, оқулықтардың, оқу құралдарының, әдістемелік әзірлемелердің авторы. Сондай-ақ 35-тен астам патенттің, өнертабыстың авторы. Қазақстан Республикасының еңбек сіңірген ғылым және техника қайраткері, «Парасат» орденімен, «Қазақстан Республикасының Тәуелсіздігіне 10 жыл», «Қазақстан Парламентіне 10 жыл» мерекелік медальдарымен , «ҚР Президентінің ерекше белгісі», «Қазақстан Республикасының халыққа білім беру үздігі», «Қазақстан Республикасының құрметті білім беру қызметкері», «ҚР-ның құрметті инженері» төсбелгілерімен марапатталған. 2010 жылы 7 қазанда Мемлекет басшысының Өкімімен әл-Фараби атындағы Қазақ ұлттық университетінің ректоры болып тағайындалды.




54 жыл бұрын (1966) Қазақстан Республикасы Жоғарғы сот судьясы Серік Ахашұлы ӘБДІРАХМАНОВ дүниеге келді.

Павлодар облысы Баянауыл ауданы Баянауыл ауылында туған.

Қарағанды мемлекеттік университетінің заң факультетін бітірген (1990), заңгер.

Еңбек өтілін 1990 жылдары Алматы қаласында Фрунзе ауданы прокурорының көмекшісі болып бастаған. Кейіннен Алматы облысы прокуратурасының аға тергеушісі, 1995-1996 жылдары Алматы қаласы сотының арбитраж судьясы, Алматы қаласы сотының судьясы (1996-2004) болды. 2004-2005 жылдары ҚР Президенті Әкімшілігі сот үйесіндегі мемлекеттік-құқықтық басқарма мәселелері бойынша бөлімнің аға сарапшысы, 2005-2007 жылдары ҚР Жоғарғы сот төрағасының кеңесшісі болды. Алматы облысында мамандандырылған ауданаралық экономикалық сот төрағасы (2007-2008), Алматы қаласында мамандандырылған экономикалық сот төрағасы (2008-2010), Алматы қалалық соты апелляциялық сот алқасының төрағасы (2010-2014) болды.


Басты сөздер: Күнтізбе,
Жоғары қарай