Ауа райы
Астана 8 °С
Алматы 12 °С
валюта бағамы
USD 421.58
EUR 496.83
RUB 5.53
CNY 62.20

Украина Президенті Гончарук Үкіметіне тағы бір мүмкіндік берді

2020 жылдың 18 қаңтар 2020 10:31

НҰР-СҰЛТАН. ҚазАқпарат – Украина Президенті Владимир Зеленский Алексей Гончаруктің Премьер-Министр қызметінен босату туралы өтінішін қарастырып, Үкіметке бірқатар шартты орындаған жағдайда тағы бір мүмкіндік беруге шешім қабылдады, деп хабарлайды ҚазАқпарат Укринформға сілтеме жасап.

Украина басшысы баспасөз қызметінің хабарлауынша, ол бұл жайында елдің Премьер-Министрі Алексей Гончарукпен кездесуі барысында мәлімдеген.

«Бүгінде өте маңызды әрі қоғамымызды алаңдатып отырған бірқатар мәселені шеше алсаңыз, онда сіздің Үкіметіңізге мүмкіндік беру туралы шешім қабылдадым. Дәл қазір мемлекетті эконономикалық және саяси тұрғыда шайқататын уақыт емес», - деді Украина Президенті Гончарукке қарата.

Бұған дейін Украина Премьер-Министрі Алексей Гончаруктың отставкаға өтініш жазғанын хабарлаған болатынбыз.

«Лауазымға Президенттің бағдарламасын орындау үшін келген едім. Ол мен үшін ашықтық пен адалдықтың үлгісі саналады. Алайда, Президентке деген біздің құрметіміз бен сенімімізге кез келген күдік тудырмау үшін отставкаға өтініш жазып, оны Парламентке шығару құқымен Президентке бердім», - деп жазған еді Алексей Гончарук Facebook парақшасында.


Автор Марлан Жиембай
Басты сөздер: Украина,
Жоғары қарай