Ауа райы
Астана -3 °С
Алматы 2 °С
валюта бағамы
USD 421.58
EUR 496.83
RUB 5.53
CNY 62.20

Жылыту маусымындағы сақтық шаралары түсіндірілді - Түркістан

2019 жылдың 29 қазан 2019 21:41

ТҮРКІСТАН. ҚазАқпарат - Түркістан облысында өрт жағдайы бүгінгі таңда былтырғы жылмен салыстырғанда 30 пайызға өскен. Бұл туралы Түркістан облысы өңірлік коммуникациялар қызметінде өткен брифингте Түркістан облысы Төтенше жағдайлар департаментінің бастығы азаматтық қорғау полковнигі Н. Жүнісов мәлім етті, деп хабарлайды ҚазАқпарат.

Адамдардың газбен уланудан қайтыс болу және жарақат алуының алдын алу мақсатында жыл сайын жылу беру маусымының алдында, яғни 15 тамыз бен 15 қыркүйек аралығында облыс аумағында өрт қауіпсіздік айлығы жүргізіледі. Сонымен қатар, департаменттің қызметкерлері жергілікті полиция қызметінің қызметкерлерімен бірлесіп рейдтер ұйымдастырып, жеке тұрғын үй секторын аралап, тұрғындармен кездесу өткізеді. Қазіргі таңда тұрғын жайларды аралау, жергілікті полиция қызметкерлерімен бірлескен рейдтер күшейтіліп өткізілуде, өрт қауіпсіздік айлығы, газ қызметтерінің жұмысшыларымен бірлескен түсіндіру жұмыстары жүргізілуде, пештер мен жылыту құрылғылары тексерілуде.




«Қала және аудандарда 384 адамнан тұратын 78 жұмыс тобы құрылған болатын, оның құрамына төтенше жағдайлар, полиция, газ шаруашылығы, энергия қызметтерінің өкілдері енгізілген. Аталған жұмыс тобының міндеттері - жеке тұрғын үйлерді тексеру, қауіпсіздік ережелерін бұзушыларды анықтау және оларды жою бойынша жедел шаралар қабылдау. Яғни, топ мүшелерінің әрқайсысы қызмет бағыты бойынша тұрғын үйді тексеріп және қауіпсіздік шараларын сақтау, жылыту жабдығын дұрыс пайдалану бойынша ұсыныстар береді. Құрылған жұмыс тобымен және штабтармен жұмыстар ұйымдастырылып жүргізілуде. Атап айтқанда, топ 6315 үйді аралап, 25 247 адамға түсіндіру жұмыстарын өткізді. Осы іс-шарға 86 ерікті студенттер жұмылдырылып, 2652 үйдің пеш қондырылған жөнделген, 3015 үйдің электр жүйелері ретке келтірілді», – деді Н. Жүнісов. Сондай-ақ, департамент бастығы баспасөз мәслихатанда облыс тұрғындарына жылыту маусымының алдында өрт қауіпсіздігінің ережелерін сақтау керектігін ескертіп, алдын алу ережелерін сақтау қажеттігін айтты.













Жоғары қарай