Ауа райы
Астана 16 °С
Алматы 21 °С
валюта бағамы
USD 412.55
EUR 465.73
RUB 5.79
CNY 58.91

Қызылордада ірі көлемдегі есірткімен БҚО тұрғыны ұсталды

2019 жылдың 17 қазан 2019 03:15

ҚАРМАҚШЫ. ҚазАқпарат - Қызылорда облысының Қармақшы ауданында полиция қызметкерлері ірі мөлшерде есірткі тасымалдаған тұрғынның жолын кесті, деп хабарлайды ҚазАқпарат тілшісі.

Қармақшы ауданында полицейлер Атырау облысының тұрғыны айдап келе жатқан «ВАЗ-21140» автокөлігін тоқтатып, жедел-тергеу тобымен бірге қарап-тексеру жұмыстарын өткізген. Оның барысында көліктің артқы орындығының үстінен скочпен оралған ерекше иісі бар шөп ұнтақтарының 7 бумасы табылды. Осындай шөп ұнтақтары жолаушының сөмкесінен де алынды.

Күдікті ретінде көліктің жолаушысы – БҚО тұрғыны ұсталды.

«Сараптама қорытындысы бойынша алынған ерекше иісі бар заттар салмағы 12 келі 524 грамм кептірілген марихуана екендігі белгілі болды. Күдікті жолаушы - Орал қаласының тұрғыны Қармақшы аудандық полиция бөлімінің уақытша ұстау абақтысына жеткізілді. Оның үстінен ҚР Қылмыстық кодексінің 296-бабының 3-бөлігімен сотқа дейінгі тергеп-тексеру амалдары жүргізілуде. Онда ірі мөлшердегі есiрткi, психотроптық заттарды, сол тектестерді өткізу мақсатынсыз заңсыз дайындау, қайта өңдеу, иемдену, сақтау, тасымалдау жағдайы көрсетілген», - деп мәлім етті Қызылорда облыстық Полиция департаментінің баспасөз қызметінен.

Жоғары қарай