Ауа райы
Астана 10 °С
Алматы 22 °С
валюта бағамы
USD 421.58
EUR 496.83
RUB 5.53
CNY 62.20

Нұр-Сұлтанда заңсыз ойын автоматтарының иелері сотталды

2019 жылдың 3 қазан 2019 20:21

НҰР-СҰЛТАН. ҚазАқпарат – Елордада заңсыз ойын бизнесін ұйымдастырғандар жауапқа тартылды, деп хабарлайды ҚазАқпарат Нұр-Сұлтан қалалық прокуратурасына сілтеме жасап.

«Заңсыз ойын бизнесінен төленбеген салықтар, кей адамдардың ойын автоматтарына тәуелділігі сынды қауіптер туындайды. Осыған байланысты құқыққорғау органдары ойын бизнесі туралы заңнама талаптарын тексеру бойынша іс-шаралар жүргізеді. Атап айтқанда, «Байқоңыр» аудандық прокуратурасы заңсыз ойын бизнесіне тосқауыл қойды», - делінген хабарламада.

Айыптылар пайдалануға тыйым салынған ойын автоматтарын халық көп жиналатын жерлерге қойып, ойыншылардың ұтылған қаржысынан материалдық пайда тауып отырған.

Алдын ала ұтылатын ойындар жүктелген 11 ойын аппараты 8 орынға қойылған.

«Аудандық прокуратура заңсыз ойын бизнесін ұйымдастыру фактілері бойынша сотқа дейінгі тергеуді бастап, 2 қылмыстық істі сотқа жолдады. 2019 жылдың 29 шілдесіндегі «Байкоңыр» аудандық №2 сотының үкімімен азаматтар Л. және Ц. ҚР ҚК 307-бабының 2-бөлігі 2-тармағы бойынша, 7 тамыздағы үкіммен азамат И. ҚР ҚК 307-бабының 1-бөлігі бойынша заңсыз ойын бизнесiн ұйымдастырғаны үшін кінәлі деп таныллы. Олар бас бостандығын шектеу және қоғамдық жұмыстарға тарту жазасын алды. Сот актілері заңды күшіне енді», - деп хабарлады қалалық прокуратураның баспасөз қызметінен.

Жоғары қарай