Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Арменияға «Спутник V» вакцинасының алғашқы ірі партиясы жеткізілді

2021 жылдың 8 сәуір 2021 17:02

ЕРЕВАН.ҚазАқпарат – Арменияға «Спутник V» вакцинасының алғашқы ірі партиясы жеткізілді. Бұл туралы «Россотрудничество»-ның Еревандағы офисі мәлім етті, деп хабарлайды ҚазАқпарат меншікті тілшісі.

8 сәуірге қараған түні Арменияға «Спутник V» вакцинасының алғашқы ірі партиясы 15 мың доза жеткізілді. Вакцина тиелген жүкті әуежайдан Армениядағы Ресей елшілігінің кеңесшісі Павел Курочкин, Армения Республикасы Денсаулық сақтау министрлігі Ауруларды бақылау және алдын алу ұлттық орталығының бас директоры Артавазд Ванян және «Россотрудничество»-ның Еревандағы өкілі Андраник Арзуманян күтіп алды.




«Ең алдымен, халықтың қауіп аймағында тұрған тобы вакциналанады. Бұл Ресей тарапынан коронавирус пандемиясымен күресте Арменияға көрсеткен кең ауқымды қолдауының жалғасы екенін атап өткім келеді», - деп мәлімдеді Павел Курочкин.

Кеше Арменияның Премьер-министрі Никол Пашинян Ресейге жұмыс сапары барысында Ереван ресейлік вакцинаның алғашқы партиясын күтіп отырғанын мәлімдеген болатын. Армян Министрлер кабинеті басшысының айтуынша, Арменияға вакцинаның миллионнан астам дозасы қажет.








Басты сөздер: Армения, Коронавирус, Вакцина,
Жоғары қарай