Ауа райы
Астана 22 °С
Алматы 16 °С
валюта бағамы
USD 414.13
EUR 451.40
RUB 5.80
CNY 58.03

«Әміре» фильмі Финляндия астанасында көрсетілді

2019 жылдың 24 желтоқсан 2019 18:42

АЛМАТЫ. ҚазАқпарат - Қазақстан Республикасының Финляндиядағы Елшілігі және Ш.Айманов атындағы «Қазақфильм» АҚ ұйымдастыруымен Хельсинки қаласында режиссёр Джефф Веспаның «Әміре» көркем фильмі көрсетілді, деп хабарлайды ҚазАқпарат тілшісі.

ҚР Мәдениет және спорт министрлігі тапсырысы бойынша Ш.Айманов атындағы «Қазақфильм» АҚ түсірген биографиялық кинотуындының көрсетілімінде Қазақстанның Финляндиядағы төтенше және өкілетті елшісі Жанна Сартбаева бұл фильм дүниежүзі бойынша адамдарды байланыстыратын адамзаттың әмбебап тіліне айналған музыка өнерінің феномені туралы екенін айтты.

Сонымен қатар, бұл кеште фильмде басты рөлді сомдаған актер Санжар Мәдиевтің видео сәлемдемесі көрсетілді.

​​Кеш барысында AALTO университетінің студенті И.Мизамбек домбырамен қазақтың күмбірлі күйлерін орындап берді.

Сонымен қатар, кеш қонақтары ұлттық киіммен суретке түсіп, ұлттық тағамдардан ауыз тиді.

Жоғары қарай