Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Алтай Көлгінов: Бәріңізді шұғыл түрде екпе алуға шақырамын

2021 жылдың 23 шілде 2021 14:10

НҰР-СҰЛТАН. ҚазАқпарат - Елорда әкімі Алтай Көлгінов қала тұрғындарына тағы да үндеу жасады, деп хабарлайды ҚазАқпарат.

«Қала тұрғындары күн сайын жолда, жұмыста, туыстарымен және т.б. адамдармен араласады. Өкінішке қарай, бәрі бірдей қауіпсіздік шараларын сақтай бермейді. Санитарлық нормаларды және өзін-өзі қорғаудың қарапайым тәсілдерін сақтамау қатерге бас тігумен тең. Мұндай жағдайда адам өмірі мен денсаулығына қауіп төнеді. Бәріңізді шұғыл түрде екпе алуға шақырамын. Вакцинация ғана сізді және отбасыңызды реанимациядан, аурудан кейінгі оңалту курсынан, антибиотиктер мен өзге де ауыр дәрі-дәрмектер қабылдаудан сақтайды», - деп жазды әкім желідегі парақшасында.
Сонымен қатар вакцинацияның маңызын елордадағы құрылыс компанияларының өкілдерімен де талқылағанын жеткізді.

«Биыл жұмыс көп. Қолжетімді тұрғын үй құрылысының көлемі, оқу орындардың, әлеуметтік нысандардың құрылысы және т.б. артпақ. Алайда ұжымдық иммунитет қалыптаспаса, құрылыс жұмыстары тоқтатылады. Вакцинация арқылы ғана ұжымдық иммунитетті дамыта аламыз», - деп толықтырды А. Көлгінов.


Жоғары қарай