Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Алматының инфекциялық стационарларында қанша адам емделуде

2022 жылдың 21 қаңтар 2022 18:04

АЛМАТЫ. ҚазАқпарат - Алматы әкімі Бақытжан Сағынтаев инфекциялық стационарлардың жағдайын тексерді, деп хабарлайды ҚазАқпарат тілшісі.

Алматы әкімі И.Жекенова атындағы Жұқпалы аурулар ауруханасының филиалына барды.

Мұнда коронавируспен ауыратын 199 емделуші бар. Стационарда 500 төсек болса, оның 45-і реанимация және қарқынды терапия бөлімінде.

№ 12 және 7 қалалық клиникалық ауруханаларында Б.Сағынтаев КВИ жұқтырғандарды қабылдау қалай жүргізілетінін білді. Бас дәрігерлер ковид бөлімшелерінің жұмысы жалпы медициналық көмек көрсетумен қатар жүргізілетінін айтты. Қазіргі таңда ковидтік стационарларда 9 340 төсек-орын бар, оның 3 310-ы бос емес, резервте 6 030 орын бар.

Қала әкіміне Орталық қалалық клиникалық ауруханалар базасында ашылған Телемедицина орталығының жұмысы туралы да баяндалды. ТМО мамандарының бақылауында 10 188 пациент бар. Бұл сан ағымдағы жылдың 1-20 қаңтар аралығында 20 есе өскен.

Сондай-ақ КВИ-ді емдеу бойынша ұсынымдар беру үшін емделушілерге күніне орта есеппен 5 мың қоңырау шалынады. 20 қаңтарда 8 458 қоңырау соғылып, науқастардың жағдайы сұралды.

Бұдан бөлек, Бақытжан Сағынтаев №7 аурухана базасында орналасқан КВИ-ға қарсы вакциналардың қалалық қоймасына барды. Қойма мен егу пунктерінде Sinopharm вакцинасының 207 733, QazVac вакцинасының 176 349, Pfizer препаратының 254 782 дозасы бар.


Жоғары қарай