Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Алматыдағы «Алтын орда» базары жанындағы жол қазан айында аяқталады

2021 жылдың 12 қазан 2021 20:35

АЛМАТЫ. ҚазАқпарат - Алматыдағы «Алтын Орда» базары жанындағы жол айырығының құрылысы қазан айында аяқталады. Бұл туралы «ҚазАвтоЖол» ұлттық компаниясының бапасөз қызметі мәлім етті, деп хабарлайды ҚазАқпарат тілшісі.

«Бүгінгі күні «Алматы-Бішкек» автожолының 786-790 шақырымы аралығында (16-19 шақырым «Алтын Орда») «Райымбек-Алматы» учаскесінің көлік жүретін бөлігін кеңейту жұмыстары тәулік бойы жүріп жатыр. Құрылысқа 215 жұмысшы мен 30 техника жұмылдырылды»,- деп хабарлады «ҚазАвтоЖол»

Қазіргі уақытта негізгі күш магистральды эстакадаға бағытталған.

Атап айтқанда, нысанның сол жағын бетондау жұмыстары толық бітті. Ал оң жақ тұсының 100 метр аумағына бетон құйылды.

Сонымен қатар, монтаждау, қалыпты орналастыру, торлау жұмыстары қарқынды жүріп жатыр.

«Эстакадағы негізгі жұмыс жоспар бойынша жүргізілуде, кестеден кешігу жоқ. Нысан құрылысы биылғы жылдың қазан айының соңына қарай аяқталады»,- деп атап өтті компаниядағылар.


Автор Алма Мұқанова
Басты сөздер: Алматы, Жол, Құрылыс,
Жоғары қарай