Ауа райы
Астана 28 °С
Алматы 29 °С
валюта бағамы
USD 411.66
EUR 465.92
RUB 5.81
CNY 58.79

Алматыда жүрген шетелдіктер 100-ден астам қылмыс жасаған

2020 жылдың 22 мамыр 2020 19:40

АЛМАТЫ. ҚазАқпарат –Алматыда шетелдіктер 100-ден астам қылмыс жасаған. Бұл туралы қалалық Полиция департаментінің басшысы Қанат Таймерденов брифинг барысында айтты, деп хабарлайды ҚазАқпарат тілшісі.

«Әкімшілік тәртіппен 166 шетелдік азамат елден шығарылды. Сонымен қатар, 57 жұмыс беруші әкімшілік жауапкершілікке тартылды. 47 миллионнан астам айыппұл салынды. Төрт ай ішінде шетелдіктер жасаған 117 қылмыс тіркелді. Қылмыстың ең көбін Өзбекстан Республикасының азаматтары жасаған», – деді Қанат Таймерденов.

Бұған дейін, департамент басшысы Алматыда тұрғын үй аулаларындағы тәртіпті қаладағы патруль қызметкерлерінің тең жартысы қадағалайтынын айтқан болатын.

Сондай-ақ жыл соңына дейін мегополисте «Сергек» бейнебақылау камераларының тағы 380-і орнатылатыны хабарланды.


Жоғары қарай