Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Алматыда заңсыз шот-фактуралар жазған алаяқ сотталды

2021 жылдың 14 қазан 2021 15:40

АЛМАТЫ. ҚазАқпарат - Алматы қалалық №2 Бостандық аудандық сотында орындалмаған жұмыстарға шот-фактураларды жазып бергені үшін кінәлі деп танылған азаматқа қатысты қылмыстық іс қаралды, деп хабарлайды ҚазАқпарат тілшісі.

Сот 2017 жылдың қазан айы мен 2020 жылдың желтоқсан аралығында Б. есімді сотталушының К., П., М., Т. есімді таныстарының атына 4 кәсіпорынды тіркегенін анықтады.

Бұл кәсіпорындар нақты жұмыстар жасамай, жалған мәміле жасау арқылы жеке кәсіпкерлік субъектілері - контрагенттердің қаражатын заңды айналымнан шығарумен айналысқан.

Сот отырысы барысында сотталушы Б. өз кінәсін мойындады.

Мемлекетке келтірілген залал 837 млн. теңгені құрады, оның 100 млн. теңгесі өтелді.

Аудандық соттың баспасөз қызметінің мәліметінше, соттың үкімі бойынша сотталушы Б. іс жүзінде орындалмаған жұмыстарға шот-фактураларды жазғаны үшін кінәлі деп танылды.

Оған қаржы құрылымдарында материалдық жауапты лауазымдарды атқару құқығынан 5 жыл мерзімге айыра отырып, 3,6 жыл бас бостандығынан айыру жазасы тағайындалды.

Үкім заңды күшіне енген жоқ.


Жоғары қарай