Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Алматыда үш баласымен бірге суицид жасаған әйелдің өлім алдындағы хаты табылды

2021 жылдың 22 қараша 2021 17:37

АЛМАТЫ. ҚазАқпарат - Алматыда тоғызыншы қабаттан балаларымен секіріп мерт болған әйел өлер алдында хат жазып кеткен, деп хабарлайды ҚазАқпарат тілшісі.

Алматы қалалық полиция департаменті тергеудің осы кезеңінде үш баласымен 9-қабаттан секіріп кеткен әйелдің әрекетінің алдын ала себебі анықталғанын хабарлады.

«Бұл отбасылық-тұрмыстық қарым-қатынас негізінде жұбайымен арада болған жанжал. Өлер алдында хат жазып қалдырған. Басқа мән-жайлар анықталуда. Іс ҚР ҚК-нің 105 бабына сәйкес тергелуде. Тергеу-жедел тобы құрылды»,-деп хабарлады Алматы қалалық полиция департаментінің баспасөз қызметі.

Куәгерлердің айтуынша, жас ана алдымен балаларды терезеден лақтырып, артынан өзі секіріп кеткен.

Еске салайық , бүгін «Жетісу» шағынауданында көпқабатты үйлердің бірінің терезесінен 28 жастағы әйел мен оның 2015, 2016 және 2019 жылы туған үш кішкентай баласы 9-қабаттың терезесінен секіріп кетті. Әйел мен екі баласы оқиға орнында көз жұмды. Тағы бір бала жедел жәрдем көлігінде қайтыс болды.


Автор Алма Мұқанова
Басты сөздер: Алматы, Оқиға, ҚР ІІМ,
Жоғары қарай