Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Алматыда тағы бір топ мародер ұсталды

2022 жылдың 19 қаңтар 2022 13:38

АЛМАТЫ. ҚазАқпарат - Алматыда ұялы байланыс орталығын тонағандар ұсталды, деп хабарлайды ҚазАқпарат тілшісі.

Медеу аудандық полиция басқармасының қызметкерлері 22 ұялы телефон ұрлаған төрт ер адамды қолға түсірді.

Олар «Әйгерім-2» ықшамауданындағы жалдамалы баспанада ұсталды. Күдіктілердің ең үлкені - 29 жаста болса, ең кішісі – 24 жаста.

Анықталғандай, 6 қаңтарға қараған түні бұзақылар тобы ұялы байланыс орталығына кіріп, түрлі маркадағы ұялы телефондарды ұрлап кеткен.

Ұсталғандар Алматы облысынан келген.

Олар қылмыс жасағанын мойындады.

Қазіргі уақытта ұсталғандардың жеке басы, басқа да қылмыстарға қатысы бар-жоғы тексеріліп жатыр.





Жоғары қарай