Ауа райы
Астана -5 °С
Алматы -2 °С
валюта бағамы
USD 421.58
EUR 496.83
RUB 5.53
CNY 62.20

Алматыда саңырау әрі мылқау етікші шеберханада есірткі сақтаған

2020 жылдың 31 қазан 2020 00:20

АЛМАТЫ. ҚазАқпарат - Алматыда құлағы нашар еститін әрі мылқау ер адам етік жөндеу шеберханасында есірткі сақтаған, деп хабарлайды ҚазАқпарат тілшісі.

Бұл туралы жергілікті тұрғындар «Орбита» шағынауданының учаскелік инспекторларына шағымданған. Бостандық ауданының аумағында «Құқықтық тәртіп» жедел-алдын алу іс-шарасын өткізу кезінде учаскелік полиция инспекторлары полиция көмекшілерімен бірге етікшіні ірі көлемдегі есірткімен ұстады.

Есірткі заты – гашиш оның жұмыс орнынан, аяқ киімнен табылды. Ұсталған адам саңырау әрі мылқау. Сондықтан ұстау кезінде ол полиция қызметкерлеріне есірткіні қайдан алғанын және оны қандай мақсатта өзімен бірге сақтағанын түсіндіре алмады.

«Қазіргі уақытта сотқа дейінгі тергеу ҚР ҚК-нің 296-бабы 4-бөлігі (Есірткі, психотроптық заттарды, олардың аналогтарын аса ірі көлемде сату мақсатынсыз заңсыз дайындау, өңдеу, алу, сақтау, тасымалдау) бойынша басталды», – деді Бостандық аудандық полиция басқармасы бастығының орынбасары Еділхан Байғараев.


Жоғары қарай