Ауа райы
Астана 10 °С
Алматы 11 °С
валюта бағамы
USD 421.58
EUR 496.83
RUB 5.53
CNY 62.20

Алматыда өзгенің үйін паналаған қаңғыбастар өртеніп кетті

2020 жылдың 12 тамыз 2020 11:47

АЛМАТЫ. ҚазАқпарат – Алматыда жер үйден өрт шығып, екі адам мерт болды, деп хабарлайды ҚазАқпарат тілшісі.

Қайғылы оқиға 11 тамыз күні Түрксіб ауданында болды. Өрт сөндіру қызметіне Волочаев көшесіндегі № 399 үйдің жанып жатқаны жөнінде хабар түнгі сағат 23:29-да түскен.

«Алғашқы өрт сөндіру бригадалары келген кезде екі бөлмелі жер үй өртеніп жатты. Куәгер үйде тұрақты мекені жоқ адамдардың (қаңғыбастар) болуы мүмкін екенін айтты. Өртті сөндіру және тексеру кезінде екі ер адамның мәйіті табылды. Қазір олардың аты-жөн анықталуда»,– деп хабарлады Төтенше жағдайлар департаментінің баспасөз қызметінен.

Анықталғандай, үйдің иесі қазіргі уақытта Алматы облысында тұрады. Үй коммуникациядан толықтай ажыратылған. Өрттен көз жұмған қаңғыбастар терезе арқылы кіріп жүрген. Құтқарушылар бригадасы келген кезде үйдің есігінде құлып тұрған.

Өрт 21 минут ішінде сөндірілді. Қызыл жалын 100 шаршы метр аумақты шарпыған. Оны ауыздықтауға 21 өрт сөндіруші мен 6 техника жұмылдырылды.


Автор Алма Мұқанова
Басты сөздер: Аймақ, Алматы, Оқиға,
Жоғары қарай