Ауа райы
Астана 27 °С
Алматы 30 °С
валюта бағамы
USD 412.55
EUR 468.66
RUB 5.79
CNY 58.80

Алматыда «Олимп» букмекерлік кеңсесінің жұмысы тоқтатылды - ҰҚК

2019 жылдың 6 желтоқсан 2019 17:08

АЛМАТЫ. ҚазАқпарат - Алматыда «Олимп» букмекерлік кеңсесі әкімшілігінің заңсыз ойын бизнесін ұйымдастыру фактісі бойынша сотқа дейінгі тергеу басталды. Бұл жөнінде Ұлттық қауіпсіздік комитетінің баспасөз қызметіне сілтеме жасап ҚазАқпарат хабарлайды.

ҰҚК Алматы қаласы бойынша департаменті прокуратура органдарымен бірлесіп, «Олимп» букмекерлік кеңсесі әкімшілігінің заңсыз ойын бизнесін ұйымдастыру фактісі бойынша сотқа дейінгі тергеу жүргізуге бастамашы болды.

«Тергеу деректері бойынша, компания Қазақстан Республикасының қолданыстағы заңнама нормаларын бұза отырып, белгілі бір табыс табу үшін интернет-ресурс арқылы лицензияланбаған әрекетті жүзеге асырған. Тиісінше, осы салаға салық салынбаған. Ақшалай қаражатты Қазақстан шегінен тыс заңсыз шығару арналары анықталып, оқшауланды. Қаржы қылмысына жататын өзге де әрекеттер тіркелуде» делінген хабарламада.

2019 жылғы 29 қарашада Алматы қалалық мамандандырылған ауданаралық әкімшілік соты «Олимп» БК сауда белгісімен «Only bet» ЖШС және «Alpha bet» ЖШС берілген лицензия қолданысын 6 ай мерзімге тоқтатты.

Қазіргі уақытта «Олимп» БК заңсыз әрекетінің, сондай-ақ салық заңнамасын бұзудың нақты ауқымын анықтау бойынша тергеу іс-шаралары жүріп жатыр.

Басты сөздер: Алматы, Сот, Оқиға, Заң,
Жоғары қарай