Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Алматыда мас жүргізуші 15 жастағы қызды қағып кетті

2021 жылдың 6 мамыр 2021 08:28

АЛМАТЫ. ҚазАқпарат – Алматыда 15 жастағы қызды автокөлік қағып кетті. Бұл туралы қаланың полиция департаменті бастығының тергеу жұмыстары бойынша орынбасары Рустам Әбдірахаманов Facebook-те мәлім етті, деп хабарлайды ҚазАқпарат тілшісі.

«4 мамыр күні сағат 22:10-да 1982 жылғы А. мас күйде «Ауди А6» автокөлігімен Іле даңғылы бойындағы №286 ғимаратқа қарама-қарсы көлік жүретін жолдың ортасында тұрған 2006 жылы туған кәмелеттік жасқа толмаған Д.-ны басып кетті», - деп жазды Рустам Әбдірахманов.

Жүргізуші оқиға орнынан жаяу жасырынбақ болған, алайда оны ізін суытпай ұстайды.

«Қыз медициналық мекемеге жеткізілді. Өкінішке орай, алған жарақатынан есін жимай көз жұмды. Айыптыға қатысты Қылмыстық кодекстің екі бабы (ҚР ҚК 345-1-бабы 3-тармағы және ҚР ҚК 347-бабы) бойынша соталды тергеу басталды», - деп қосты Рустам Әбдірахманов.








Басты сөздер: Оқиға, Алматы,
Жоғары қарай