Ауа райы
Астана -14 °С
Алматы -7 °С
валюта бағамы
USD 421.58
EUR 496.83
RUB 5.53
CNY 62.20

Алматыда Құрбан айт кезінде қандай іс-шараларға тыйым салынады

2020 жылдың 27 шілде 2020 18:20

АЛМАТЫ. ҚазАқпарат – Алматы қаласы Бас санитарлық дәрігері Жандарбек Бекшин Құрбан айт мерекесіне қатысты қаулы шығарды, деп хабарлайды ҚазАқпарат тілшісі.

Қаулыға сәйкес Құрбан айт мерекесін тойлау кезеңінде 2020 жылғы 31 шілдеден 2 тамыз аралығында төмендегі іс-әрекетке тыйым салынады:

1) меншік нысанына қарамастан барлық ұйымдарда, сондай-ақ жеке меншік үй иеліктерінде және медреседе адамдар көп жиналатын іс-шаралар өткізуге;

2) Алматы қаласының аумағында мал союды ұйымдастыруға және өткізуге, автокөліктерде және жеке үй иеліктерінде мал сатуға тыйым салынады.

31 шілдеден 2 тамыз аралығында Алматы қаласының орталық мешітімен белгілеген онлайн режимінде құрбандық шалуды жүзеге асыратындарды қоспағанда, мал сою цехтары мен мал сату базарының жұмысын тоқтатылады.

Сондай-ақ, Алматы қаласының кіре берістерінде, құрбандық шалуды онлайн режимінде жүзеге асыруға арналғандарды қоспағанда, қала аумағына жануарларды әкелмеуді болдырмау үшін посттар ашылады.

Құрбандық шалуға онлайн режимінде Qurban2020.kz сайтына өтінім беру арқылы рұқсат беріледі. «Құрбан айт» мерекесін ұйымдастыру мәселелерін халыққа түсіндіру үшін Call-орталықтың жұмысын ұйымдастыру қолға алынған.

Құрбан мерекесіне атсалысқан адамдарды жеке қорғану құралдарымен қамтамасыз ете отырып, мұқтаж адамдарға тез бұзылатын өнімдерді (құрбан болған жануарлардың еті) тасымалдау және сақтау жөніндегі санитарлық-эпидемиологиялық ережелер талаптарының сақталуын қамтамасыз ету көзделген.

Қаулының орындалуын бақылау Алматы қаласының полиция департаментіне, аудандық әкімдіктерге және ҚР АШМ Ветеринариялық бақылау және қадағалау комитетінің аумақтық инспекциясына жүктелді.


Жоғары қарай