Ауа райы
Астана 8 °С
Алматы 10 °С
валюта бағамы
USD 421.58
EUR 496.83
RUB 5.53
CNY 62.20

Алматыда құлаған ұшақта болған нәрестелердің жағдайы қалай

2019 жылдың 27 желтоқсан 2019 18:43

АЛМАТЫ. ҚазАқпарат – Алматыда дәрігерлер құлаған ұшақта зардап шеккен балалардың жағдайы туралы айтып берді, деп хабарлайды ҚазАқпарат тілшісі.

Қайғылы оқиғадан соң балаларға шұғыл медициналық көмек көрсету орталығына 9 бала жеткізілген.

«Бізге 9 бала жеткізілді. Оның үшеуі - бір жасқа дейінгі балалар. 3 бала бөлімшеде жатыр. Қалған 6 бала жансақтау бөлімінде. Сан сүйегі сынған екі балаға ота жасалды. Жағдайлары бірқалыпты. Өміріне еш қауіп төніп тұрған жоқ. Барлық медициналық препараттар жеткілікті. Балалардың ата-аналары аман деп естідік. Туыстары келіп балаларды көріп кетті», - деді орталықтың бас дәрігері Абай Құсайынов.

Айта кетейік, бүгін таңертең Алматыдан Нұр-Сұлтан қаласына ұшып шыққан ұшақ радардан жоғалып кетті. Кейін 93 жолаушы мен 5 экипаж мүшесі бар ұшақтың апатқа ұшырағаны мәлім болды. Оқиғаның мән-жайын анықтау үшін ұшақ құлаған аумаққа арнайы комиссия ұшып шықты.

Жоғары қарай