Ауа райы
Астана 22 °С
Алматы 21 °С
валюта бағамы
USD 405.69
EUR 455.51
RUB 5.72
CNY 57.42

Алматыда коронавируспен күреске қанша қаражат бөлінді

2020 жылдың 13 наурыз 2020 19:13

АЛМАТЫ. ҚазАқпарат – Алматыда бүгін қалалық қоғамдық денсаулық сақтау басқармасының басшысы Тілеухан Әбілдаев пен қалалық тауарлар мен қызметтердің сапасы мен қауіпсіздігін бақылау департаменті басшысының орынбасары Әсел Халықова брифинг өткізді, деп хабарлайды Қазақпарат тілшісі.

Тілеухан Әбілдаевтың айтуынша, Алматыда эпидахуалды реттеу мақсатында республикалық бюджеттен 73,5 млн теңге бөлінген.

«Бұл қаражат маска, дәрілік заттарды, қорғаныс құралдарын сатып алуға жұмсалады. Одан бөлек, қалалық бюджеттен 94.5 млн теңге қаржы бөлінді. Ал науқастарды емдеу ақысы МӘМС қорынан қарастырылады»,- деді Тілеухан Әбілдаев.

Басқарма басшысының айтуынша, қалада қажетті дәрі дәрмек пен зарарсыздандыру құралдары жеткілікті.

Еске сала кетсек, бұған дейін денсаулық сақтау министрі Елжан Біртанов Қазақстанның екі азаматынан коронавирус инфекциясы табылғанын мәлім еткен еді. Кейінірек Нұр-Сұлтанда тағы бір әйелдің қатерлі індетті жұқтырғаны анықталды.


Жоғары қарай