Ауа райы
Астана 17 °С
Алматы 17 °С
валюта бағамы
USD 412.55
EUR 468.66
RUB 5.79
CNY 58.80

Алматыда бірқатар құрылыс нысанының сапасы тексерілді

2020 жылдың 23 қаңтар 2020 20:10

АЛМАТЫ. ҚазАқпарат – Алматының қалалық құрылыс бақылау басқармасының басшылығы тұрғын үй кешендері мен инфрақұрылымдық нысандар құрылысының барысымен танысты, деп хабарлайды Қазақпарат тілшісі.

Басқарма Наурызбай ауданындағы көппәтерлі тұрғын үй кешендері құрылысының барысымен, сондай-ақ Абай даңғылын тесу және Әшімов көшесі арқылы өтетін көпір салу жұмыстарымен танысты.

Жекелей алғанда, басқарма қызметкерлері, тапсырыс беруші, мердігер, авторлық және техникалық қадағалау өкілдері Шұғыла шағын ауданындағы «Alma City» аз қабатты тұрғын үй кешенінің құрылысын қарап шықты. Онда 42 үйдің 3-уі салынып жатқан болатын.

Бұдан бөлек «Тимус Construction» ЖШС тұрғын үй ауданы құрылысымен (20 үйдің 5-сі салынуда) танысып шықты.

Нысандарды аралап шыққаннан кейін құрылыс сапасын жақсарту бойынша нұсқаулар мен ұсыныстар берілді.


Басты сөздер: Құрылыс, Алматы,
Жоғары қарай