Ауа райы
Астана 5 °С
Алматы 0 °С
валюта бағамы
USD 421.58
EUR 496.83
RUB 5.53
CNY 62.20

Алматыда бірқатар емхана басшыларына үстемақы төлеу бойынша ескерту жасалды

2020 жылдың 30 қыркүйек 2020 23:28

АЛМАТЫ. ҚазАқпарат –Алматы әкімінің орынбасары Ержан Бабақұмаров бірқатар емханалардың басшылығына медицина қызметкерлеріне үстемақы төлеу мәселелері бойынша ескерту жасады, деп хабарлайды ҚазАқпарат тілшісі.

Алматы қаласы әкімінің тапсырмасы бойынша, әкімнің орынбасары Ержан Бабақұмаров медициналық мекемелердің басшылығымен эпидемияға қарсы шараларға жұмылдырылған денсаулық сақтау ұйымдарының қызметкерлеріне жалақыға үстемақы төлеу мәселелері бойынша жұмыс жиналысын өткізді.

Оған қалалық Қоғамдық денсаулық сақтау басқармасының басшысы Камалжан Надыров, Тауарлар мен қызметтердің сапасы мен қауіпсіздігін бақылау департаментінің басшысы – бас мемлекеттік санитар дәрігер Жандарбек Бекшин, ҚР Денсаулық сақтау министрлігінің «Республикалық электрондық денсаулық сақтау орталығы» ШЖҚ РМК Алматы қалалық филиалының басшысы Гүлнар Ысқақова, сондай-ақ қаланың медициналық мекемелерінің бас дәрігерлері қатысты.

Медициналық қызметкерлер арасында жұқтыру жағдайы бойынша әлеуметтік төлемдерге ерекше назар аударылды. Қазіргі уақытта тиісті төлемдер жүргізілуде, сонымен бірге қажетті құжаттарды кешіктіру немесе дұрыс ресімдемеу мәселелері де бар.

Осыған байланысты, Ержан Бабақұмаров осындай дұрыс істелмеген жұмыстары үшін емханалардың басшыларына, атап айтқанда, № 1 Қалалық клиникалық аурухананың бас дәрігері - Э. Қалиевке, №7 Қалалық клиникалық аурухананың бас дәрігері – М. Рамазановқа, Орталық қалалық клиникалық аурухананың бас дәрігері – Н. Табынбаевқа, Қалалық балалар клиникалық жұқпалы аурулар ауруханасы – Е. Сералинге, қалалық жедел көмек көрсету ауруханасының бас дәрігері – А. Джувашевке, Қалалық паллиативтік көмек орталығының бас дәрігері – Э. Затыбековаға, фтизиопульмонология Ұлттық ғылыми орталығы – М.Әденовке, №1 көпсалалы медициналық орталық–Ж.Сәпиеваға ескерту жасады.

Алматы қаласының қоғамдық денсаулық сақтау басқармасына пандемиямен күреске жұмылдырылған медициналық мекемелердің қызметкерлеріне тиесілі барлық төлемдерді толық және уақтылы жүзеге асыру үшін тиісті құжаттарды енгізу жөнінде шаралар қабылдау тапсырылды.

Сонымен қатар, ай сайын нақты жұмыс істеген сағаттар бойынша медициналық ұйымдардың қызметкерлеріне қауіп топтары бойынша үстемеақылар төленеді. Алматы қаласы бойынша COVID-19-ға қарсы күрес аясында эпидемияға қарсы іс-шараларға тартылған ұйымдардың қызметкерлеріне үстемақы төлеуге арналған сома осы жылдың наурыз айынан бастап 6 ай ішінде 11 млрд теңгеден астам соманы құрады. Айлар бойынша төлемдер сомасы:

- наурызда 3 766 медицина қызметкері 1,2 млрд теңге ;

- сәуір айында 5 474 медицина қызметкері 1,5 млрд теңге ;

- мамыр айында 5 043 медицина қызметкері 1,5 млрд теңге ;

- маусым айында 5 432 медицина қызметкері 1,8 млрд теңге ;

- Шілдеде 7 541 медицина қызметкері 2,7 млрд теңге ;

- тамыз айында 2,6 млрд теңгеге 6 623 медицина қызметкеріне төлем төленді.


Жоғары қарай