Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Алматыда балабақшадағы үйірмелер мен секциялардың бағасы белгілі болды

2022 жылдың 27 мамыр 2022 14:38

АЛМАТЫ. ҚазАқпарат - Алматы әкімдігі қаланың мемлекеттік мектепке дейінгі тәрбие мен оқыту кәсіпорындары көрсететін қызметтерге баға белгілеу туралы қаулы әзірледі, деп хабарлайды ҚазАқпарат тілшісі.

Қаулыға сәйкес, оқыту тілдері бойынша үйірмелер, шығармашылықты дамыту үйірмелері, хореография, шебер қалам, логика мен ойлауды дамытуға арналған үйірме, робототехника, ұлттық ойындар үйірмесі, спелеотерапия және спорт секциялары: каратэ, айкидо, таэквондо, бокс, баскетбол, футбол, көркем гимнастикаға айына сегіз сабаққа қатысу құны 3000 теңге.

Ал логомассаж бен логопед қызметі үшін - 4 мың теңге.

Құжат Ашық НҚА сайтында жарияланды.

Қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.


Автор Алма Мұқанова
Басты сөздер: Алматы, Білім, Бала, Спорт,
Жоғары қарай