Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Алматыда арнайы орынға есірткі жасырмақ болған екі жігітті полиция ұстады

2021 жылдың 17 мамыр 2021 23:54

АЛМАТЫ. ҚазАқпарат – Алматылық полицейлер есірткі жасырушыларды ұстады, деп хабарлайды ҚазАқпарат тілшісі.

Әуезов ауданының патрульдік полицейлері тұрғын үй аулаларын аралау кезінде екі күдіктіні байқаған. Олар алдымен жер қазып жатқандай кейіп танытқанымен қимылдарды күдік тудырды.

«Патрульдік көлік жақындай бастаған кезде, күдіктілер қаша жөнелген. Алайда, тәртіп сақшылары оларды ұстады. Күдіктілерді тексеру кезінде қалтасынан есірткі орамдары түсіп қалған. Ұсталған – 18 жастағы О. есімді азаматтың киімінің қалтасынан полиэтилен пакетке оралған 30 өсімдік тектес зат табылды, оның досы – 17 жастағы М. есімді азаматтан осыған ұқсас 20 пакет тәркіленді», – деді Әуезов аудандық полиция басқармасының басшысы Ұлан Әбілқайыр.

Тәркіленген заттар сот-химиялық сараптамаға жіберілді.

Қазіргі уақытта барлық қажетті тергеу әрекеттері жүргізіліп жатыр.


Жоғары қарай