Ауа райы
Астана 9 °С
Алматы 19 °С
валюта бағамы
USD 421.58
EUR 496.83
RUB 5.53
CNY 62.20

Алматыда аптап ыстық болады

2020 жылдың 5 тамыз 2020 15:23

АЛМАТЫ. ҚазАқпарат - Алматы қалалық Төтенше жағдайлар департаменті Қазгидрометке сілтеме жасап ауа райына қатысты ескерту жариялады, деп хабарлайды ҚазАқпарат тілшісі.

6-8 тамыз аралығында Алматыда сынап бағанасы 35 градусқа дейін көтеріледі. Күн қатты ыстық болуы ықтимал.

Осыған байланысты,ТЖД төмендегі қауіпсіздік шараларын сақтауды ұсынады:

– Күн сәулесі тікелей түсетін жерлерде мүмкіндігінше аз болуға тырсыңыз. Есіңізде болсын, сағат 12:00-ден 16;00-ге дейінгі уақытта күннің сәулесі белсенді болады. Денені күн сәулесінен қорғап, жабық киім киіңіз және күнен қорғайтын сықпа май қолданыңыз;

– Ішімдік ішпеңіз – алкоголь ыстықта ағзаға тез әсер етеді және дене жоғары температураға сезімтал болады;

– Сұйықты (салқындатылған су, минералды су) мүмкіндігінше көп ішіңіз;

– Денеге салмақ түсірмеңіз. Күшті жүктеме ыстықта жылу алмасуды арттырады да ағзаны сусыздануға әкеліп соқтырады;

– Автокөлікпен ұзақ сапарды шектеуіңіз керек. Егер бұл мүмкін болмаса, жолда мүмкіндігінше абай болыңыз, себебі, қатты ыстықтан көңіл күй төмендеп адам өзін өзі нашар сезінуі мүмкін және реакция төмендейді;

–Балаларды көліктің ішіне аз уақытқа болса да қалдырмаңыз. Қатты ыстықтан бала есінен танып қалуы мүмкін;

- Егер сіз төтенше жағдайға тап болсаңыз және өміріңізге қауіп төнсе, «112», «101» бірыңғай құтқару қызметіне қоңырау шалыңыз (қоңырау шалу тегін).



Жоғары қарай