Ауа райы
Астана 8 °С
Алматы 20 °С
валюта бағамы
USD 421.58
EUR 496.83
RUB 5.53
CNY 62.20

Алматыда антитеррор талаптарын елемеген нысан басшыларына айыппұл салынды

2020 жылдың 18 қыркүйек 2020 17:44

АЛМАТЫ. ҚазАқпарат – Алматыда үш нысанның басшысына антитеррорлық қорғаныс талаптарын бұзғаны үшін айыппұл салынды, деп хабарлайды ҚазАқпарат тілшісі.

Алматы қалалық полиция департаментінің хабарлауынша, мегополисте террористік тұрғыда осал объектілердің инженерлік - техникалық бекінісі бойынша нысандарда тексеру шаралары жүргізілді. Мұндай тексерулер еліміздің «Терроризмге қарсы іс-қимыл туралы» 1999 жылғы 13 шілдедегі заңының 10-3 бабы талаптарына сәйкес және Үкіметтің 2015 жылғы 03 сәуірдегі «Террористік тұрғыдан осал объектілердің терроризмге қарсы қорғалу жүйесіне қойылатын талаптарды бекіту туралы» қаулысы негізінде жүзеге асырылады.

«2020 жылдың басынан бері Алматыда террористік тұрғыдан осал 127 нысан тексерілді. Оның нәтижесі бойынша 98 нысанның басшыларына кемшіліктерді жою туралы ескертпе қағаздары берілді және үш нысан басшыларына ҚР ӘҚбК 149-бабына сәйкес әкімшілік хаттама жасалды. Тексеру нәтижесі бойынша 29 нысан антитеррорлық қауіпсіздік талаптарына сәйкес келеді», – дейді Алматы қалалық полиция департаменті өкілі Мәулен Қасымжан.

Эпидемиологиялық жағдайға байланысты террористік тұрғыдан осал нысан басшылары мен жеке құрамы арасында нысандарды антитеррорлық қорғау және олардың осы саладағы міндеттемелерді сақтау мәселелері бойынша түсіндірме жұмыстары жүргізілуде.

Әдістемелік ұсыныстар мен жадынамалар терроризмге осал нысандардың басшылары мен жұмысшыларына Ішкі істер министрлігі әзірлеген қауіп немесе терроризм актісі кезіндегі іс-әрекет ережелері бойынша электронды форматта жіберіледі.


Жоғары қарай