Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Алматыда 300-ге жуық ағаш рұқсатсыз кесілген

2021 жылдың 24 қыркүйек 2021 23:56

АЛМАТЫ. ҚазАқпарат - Алматыдағы Жандосов көшесінің бойындағы ағаштар жаппай кесілді, деп хабарлайды ҚазАқпарат тілшісі.

Алматылықтар әлеуметтік желіде Жандосов - Навои көшелерінің қиылысында ағаш кесілгенін айтып шағымданды.

Осыған байланысты Алматы қаласының жасыл экономика басқармасы түсініктеме берді.

«Мамандар экобелсенділермен бірге оқиға орнына барды. Бірақ, оларды аумаққа кіргізбеді. Дронның түсірген видеосы бойынша 300-ге жуық ағаш рұқсатсыз кесілген. Материалдар табиғат қорғау прокуратурасына жіберіледі», - деп мәлімдеді басқарма.

Еске салсақ, жақында қала тұрғындары Медеу ауданындағы Керей-Жәнібек хандар көшесіндегі ағаштардың кесілуіне шағымданған еді.

Ол ағаштардың арасында Қызыл кітапқа енгендері бар деп болжанды.

Кейінірек 300-ге жуық ағаштың заңсыз кесілгені туралы акт жасалды.


Автор Думан Арғынгелді
Басты сөздер: Оқиға, Экология, Алматы,
Жоғары қарай