Ауа райы
Астана 5 °С
Алматы 14 °С
валюта бағамы
USD 421.58
EUR 496.83
RUB 5.53
CNY 62.20

Алматы тауында талмасы ұстаған жігіт құтқарылды

2020 жылдың 11 тамыз 2020 15:55

АЛМАТЫ. ҚазАқпарат – Алматыда Іле Алатауында талмасы ұстап қалған жігіт құтқарылды. Бұл туралы ҚазАқпарат Республикалық жедел құтқару жасағының баспасөз қызметіне сілтеме жасап хабарлайды.

10 тамызда 9 турист Қарлытау шыңына шыққан. Кешке таман Богданович мұздығында (3700 метр) ерлердің бірінің жағдайы нашарлай түскен. Мұрнынан қан кетіп, 40 минуттай дірілдеген жігіт өздігінен таудан түсе алмаған.

Республикалық жедел құтқару жасағының кезекші нөміріне 11 тамызда түн уақытында жігіттің қасындағы адамдар хабарласқан.

Құтқару жасағының 7 мүшесі, кинологиялық құрам оқиға орнына аттанған.

Аспалы жол істемей тұрғандықтан, құтқарушылар Шымбұлақтан Талғар тауының сол жағына жаяу түсіп, ары қарай Боданович мұздығына жаяу жеткен.

Қараңғы түнде, үгіліп тұрған қорым тастармен жоғары өрмелеуге тура келген.

Таңға жуық бөгелген туристер табылды. Ауырған адам қасынағы адаммен бірге таудың етегіне дейін аман-есен түсірді.


Автор Гүлмира Ғосманәли
Басты сөздер: Алматы, Оқиға,
Жоғары қарай