Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Алматы облысындада көлік салонынан әуеге оқ атқан бұзақы ұсталды

2021 жылдың 24 қазан 2021 18:08

НҰР-СҰЛТАН. ҚазАқпарат – Қаскелеңде той кортежінде жүрген көліктің салонынан әуеге оқ атқан бұзақы ұсталды. Ер адамның үстінен қылмыстық іс қозғалды, деп хабарлайды ҚазАқпарат тілшісі.

Алматы облыстық Полиция департаментінің мәліметінше, Қарайсай аудандық полиция басқармасының қызметкерлері әлеуметтік желіге мониторинг жасау барысында ер адамның көлік ішінен әуеге оқ атқаны таспалаған бейне материалды байқап қалған. Жедел іздестіру іс-шарасы барысында бұл оқиғаның 23 қазан күні сағат шамамен 17:30-да Қарасай ауданына қарасты Қаскелең қаласының Абылай хан көшесінде болғаны анықталды.

«Полиция қызметкерлерінің іздеу іс-шаралары нәтижесінде әуеге оқ атқан адам анықталды. Ол 25 жастағы Қарасай ауданының тұрғыны болып шықты. Оның үстінен ҚР Қылмыстық кодексінің 293-бабы 3-тармағымен қылмыстық іс қозғалды. «Mercedes» маркалы көлік айыппұл тұрағына қойылып, ҚР Әкімшілік құқық бұзушылық туралы кодекстің 590-бабы 2 тармағымен әкімшілік хаттама толтырылды. Қазақстанның қолданыстағы заңнамасының нормаларына сәйкес жауапқа тарту үшін кортеждің басқа да қатысушыларын анықтау іс-шаралары жүргізіліп жатыр», - деп атап өтеді ведомстводан.


Жоғары қарай