Ауа райы
Астана 32 °С
Алматы 31 °С
валюта бағамы
USD 411.54
EUR 458.13
RUB 5.84
CNY 57.64

Алматы облысында тұрғын үй кешенінің бір бөлігі карантинге жабылды

2020 жылдың 28 наурыз 2020 19:29

ТАЛДЫҚОРҒАН. ҚазАқпарат – Алматы облысында «Асыл-Арман» тұрғын үй кешенінде 6-шы үйдің 4-ші подъезі карантинге жабылды, деп хабарлайды ҚазАқпарат тілшісі.

Алматы облыстық Тауарлар мен көрсетілетін қызметтердің сапасы мен қауіпсіздігін бақылау департаментінің басшысы Қайрат Баймұхамбетовтің мәліметінше, коронавирус жұқтырған адамдардың бірі осы тұрғын үй кешенінде тұратындықтан осындай шара қолға алынды.

4-кіреберіс тұрғындарына пәтерлерін тастап кетуге, қонақ қабылдауға тыйым салынады. Сондай-ақ, жұмысы бар азаматтар қалыптасқан жағдай бойынша басшыларын ескертіп қоюға міндеттелді. Карантин 14 күнге жалғасады. Қажет болған жағдайда ұзартылуы мүмкін.

Сондай-ақ, залалсыздандыру жұмыстары Іле ауданының Көкқайнар және Жамбыл ауданының Аққайнар ауылдарында да жүргізіледі. Себебі бұл екі ауыл коронавирус анықталған екі азаматтың тұрғылықты мекені.

Еске салсақ, Алматы облысында коронавирустың 4 жағдайы тіркелді. Еліміз бойынша науқастар саны – 204.


Жоғары қарай