Ауа райы
Астана 17 °С
Алматы 25 °С
валюта бағамы
USD 412.55
EUR 468.66
RUB 5.79
CNY 58.80

Алматы облысында Қытай азаматтарынан пара алған азамат жазаланды

2020 жылдың 26 маусым 2020 17:52

НҰР-СҰЛТАН. ҚазАқпарат – Алматы облысында ҚХР азаматтарына ықтияр хат әперемін деп пара алған мемлекеттік қызметші жазаланды, деп хабарлайды ҚазАқпарат.

Бұл туралы ҚР Сыбайлас жемқорлыққа қарсы іс-қимыл агенттігі 1-ші департаментінің аса маңызды істер жөніндегі тергеушісі Данияр Бигайдаров мәлімдеді.

«Алматы облысындағы Сыбайлас жемқорлыққа қарсы қызмет А. Тоқтамұратұлына қатысты сотқа дейінгі тергеуді аяқтады. Ол Қытай Халық Республикасының төрт азаматына (Б. Дәулет, Г. Түсіпәлі, Б. Бақдәулет және А. Бақдәулетке) Қазақстанда тұруға ықтияр хат беру үшін шенеуніктерге жеткізу сылтауымен 80 мың теңге қаражат алған», - деді Д. Бигайдаров Facebook парақшасында өткен онлайн брифингте.

2020 жылдың 11 маусымында Алматы облысы Ескелді аудандық сотының үкімімен А. Тоқтамұратұлы 300 АЕК көлемінде 800 мың теңге айыппұл төлейтін болды және мемлекеттік қызметте жұмыс істеу құқығынан өмір бойына айырылды.


Жоғары қарай