Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Алматы әкімі: «Бюджетке қатысу» жобасын қаржыландыру артады

2022 жылдың 20 қаңтар 2022 16:59

АЛМАТЫ. ҚазАқпарат- Алматыда «Бюджетке қатысу» жобасын қаржыландыру артады. Бұл туралы Бақытжан Сағынтаев Мемлекет басшысының зардап шеккен бизнесті қалпына келтіру және қаланы одан әрі дамыту туралы тапсырмаларын орындау бойынша өткен қала активінде айтты, деп хабарлайды ҚазАқпарат тілшісі.

Бақытжан Сағынтаевтың айтуынша, алматылықтар «Бюджетке қатысу» жобасына белсенді қатысып жатыр. Қалалықтардан түскен ұсыныстар үш есеге өсті.

«Биыл жобаны жүзеге асыруға 7,4 млрд теңге бағытталғанын атап өткім келеді. Халық тарапынан сұраныстың артуына қарай қаржыландыру көлемі ұлғаяды», - деді қала әкімі.

Сонымен қатар, ол қалада абаттандыру жұмыстары жалғасатынын атап өтті.

«Көктемде әуежайдан Тұңғыш Президент саябағына дейінгі қоғамдық кеңістіктерді абаттандыру (ұзындығы 25 км), тоғыз көшені (17 км) реконструкциялау басталады. 2023 жылыға жоспарланған сегіз көше бойынша жоба әзірленетін болады»,- деді Бақытжан Сағынтаев.


Перевод Алма Мұқанова
Басты сөздер: Алматы, Әкім, Бюджет,
Жоғары қарай