Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Алмат Кебіспаев грек-рим күресінен әлем чемпионатында қола жүлдегер атанды

2021 жылдың 10 қазан 2021 23:05

НҰР-СҰЛТАН. ҚазАқпарат – Қазақстандық Алмат Кебіспаев Норвегия астанасы Ослода грек-рим күресінен әлем чемпионатында қола жүлдегер атанды, деп хабарлайды ҚазАқпарат тілшісі.

Грек-рим күресінен Қазақстан құрамасының капитаны, тәжірибесі мол 33 жастағы А.Кебіспаев қола жүлде үшін белдесуде түркиялық Мурат Фыратпен кілемге шықты.

Бұған дейін әлем чемпионатында А.Кебіспаев бір рет күміс, үш мәрте қола жүлде алған болатын. Ал 24 жастағы қарсыласының ондай табыстары жоқ еді.

Алдымен А.Кебіспаевты төреші партерге жатқызғаннан кейін түрік балуаны 3:0 есебімен алға кетті.

Екінші кезеңде Алматқа сондай мүмкіндік берілгенде, есе қайтарып, есепті 7:4-ке жеткізді.

Осылайша күрес түрлерінен өткен дүниежүзілік додада Қазақстан құрамасы қос жүлде алды.

Бұған дейін Жәмила Бақбергенова екінші орынға көтерілген еді.

Еске сала кетейік, бұдан бұрын әлем чемпионатында әйелдер күресінен Жәмила Бақбергенованың күміс жүлдегер атанғанын жазған болатынбыз.


Автор Елжан Ералы
Басты сөздер: Спорт,
Жоғары қарай