Ауа райы
Астана 23 °С
Алматы 31 °С
валюта бағамы
USD 412.55
EUR 468.66
RUB 5.79
CNY 58.80

Әлемде коронавирус жұқтырғандар саны миллионға жуықтады

2020 жылдың 1 сәуір 2020 09:01

МАДРИД. ҚазАқпарат – Испанияда соңғы тәулікте коронавирус жұқтырған 850-ге жуық адам қайтыс болды. АҚШ-та American Airlines компаниясы үкіметтен 12 млрд доллар сұрап отыр. Ал Польшада қатаң карантин режимі енгізілді, деп хабарлайды ҚазАқпарат BBC агенттігіне сілтеме жасап.

Covid-19 вирусын жұқтырушылар саны күн санап өсіп келеді. Сонымен қатар оның тарау жылдамдығы да артты. Джон Хопкинс университетінің мәліметтері бойынша, әлем бойынша қауіпті вирусты жұқтырушылар саны соңғы үш күн ішінде 128 мың адамға жетті.

Ақпанның ортасында вирус жұқтырушылар саны тәулігіне орташа алғанда 2-3 мың адамды құрады. Егер вирустың тарауы осы қарқынмен жалғаса берсе, осы аптаның соңында-ақ әлем бойынша коронавирус жұқтырғандар 1 миллион адамға жетеді (сейсенбі күні олардың саны 800 мың болған).

1 сәуір күнгі таңдағы мәліметтер бойынша әлемде вирус жұқтырғандар саны 859991 (+73185 тәулігіне) адамды құраған, қайтыс болғандар — 42148 (+4324), сауығып шыққандар — 178100 (+12493) адам.


Басты сөздер: Коронавирус, Әлем, Медицина,
Жоғары қарай