Ауа райы
Нур-Султан +7 °С
Алматы +14 °С
валюта бағамы
USD 449.85
EUR 485.43
RUB 5.71
CNY 70.69

Әлем чемпионатының финалында Алуа Балқыбекова ринг иесімен жекпе-жекке шығады

2022 жылдың 19 мамыр 2022 18:38

ЫСТАНБҰЛ. ҚазАқпарат – Қазақстандық Алуа Балқыбекова Түркияның Ыстанбұл қаласында өтіп жатқан әлем чемпионаты финалында жекпе-жек өткізеді, деп хабарлайды ҚазАқпарат тілшісі.

Қазақстандық боксшы Алуа Балқыбекова (48 келі) түркиялық Айше Чагирирмен қолғап түйістіреді.

Аталған жекпе-жек әлем чемпионаты финалдық ойындарының алғашқысы болады.

Жекпе-жек елорда уақытымен 21:00-де басталып, Qazsport телеарнасынан тікелей эфирде көрсетіледі.

Еске салсақ, жартылай финалда қарсыластарына жол берген Жайна Шекербекова (52 келі), Дина Жоламан (54 келі), Карина Ибрагимова (57 келі) және Валентина Хальзова (70 келі) қола жүлдені қанағат тұтты.

Ал Гүлсая Ержан (81 келі) ширек финалдағы жекпе-жегінде қарсыласына есе жіберіп, жартылай финал жолдамасынан тыс қалды.

Сондай-ақ одан бұрын Назым Қызайбай (50 келі), Римма Волосенко (60 келі), Аида Әбікеева (63 келі), Дариға Шәкімова (66 келі), Надежда Рябец (75 келі) және Ләззат Күнгейбаева (81 келіден жоғары) жарыс жолынан шыққан еді.

Аталған турнир 1974 жылдан бері тұрақты түрде ұйымдастырылып келеді.

Қазақстан құрамасы қазірге дейін барлығы 51 медаль еншіледі. Оның 14-і алтын, 15-і күміс, 22-і қола.


Автор Әділжан Үмбет
Басты сөздер: Спорт, Бокс, Түркия,
Жоғары қарай