Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Алексей Цой Pfizer вакцинасының бағасына қатысты жағдайды түсіндірді

2021 жылдың 8 желтоқсан 2021 13:07

НҰР-СҰЛТАН. ҚазАқпарат – Pfizer вакцинасының бағасы жеткізу құнына байланысты болады. Бұл туралы ҚР Денсаулық сақтау министрі Алексей Цой айтты, деп хабарлайды ҚазАқпарат тілшісі.

«Қазіргі кезде бұл мәселеге қатысты нақты түсінік жоқ. Тиісті есептеулер жасалғаннан кейін, сондай-ақ нақты партия елге жеткізілгеннен соң және нақты сома бар екенін көрсек, сол кезде айта аламыз», - деді А. Цой Парламент Мәжілісінде тілшілер сауалына жауап бере отырып.

Осы орайда ол әзірге аталған вакцинаның құны айқындалмағынын жеткізді.

«Вакцина құнын белгілеу кезінде екпені жеткізу құнын назарға аламыз. Алдағы 1-2 айда жеткізіледі», - деді министр.

Бұдан бұрын хабарланғандай, ведомство басшысы Pfizer компаниясымен ақылы вакцинация мүмкіндігі туралы келісіліп жатқанын айтты.

Бұл вакцинаны қанша азамат алғысы келетінін анықтап алу маңызды.


Жоғары қарай