Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Ақтөбенің бас полицейі жеке құраммен бірге вакцина қабылдады

2021 жылдың 27 сәуір 2021 21:04

АҚТӨБЕ. ҚазАқпарат – Ақтөбе облыстық полиция департаментінің бастығы Атығай Арыстанов бүгін Спутник-V вакцинасын қабылдады, деп хабарлайды ҚазАқпарат тілшісі.

Ақтөбе облысы бойынша құқық қорғау органдарының қызметкерлері вакцина қабылдауды жалғастырып жатыр. Алдымен тұрғындармен тығыз қарым-қатынаста жұмыс істейтін учаскелік инспекторлар екпе алды. Бүгін департамент басшысы Атығай Арыстанов та иммундау шарасынан тыс қалмады.

«Вакцина қабылдаған соң оның кері әсерін сезбедім. Әлсіздік болмады. Менің ойымша, өзіңді және жаныңа жақын адамдарды қорғаудың ең тиімді жолы осы. Алдағы уақытта полиция қызметкерлерінің бәрі екпе қабылдайды», - деді облыстық ПД бастығы Атығай Арыстанов. Облыс бойынша барлығы 2 мыңнан астам құқық қорғаушы иммундалады. Оның 500-ге жуығы екпе қабылдап үлгерді.


Жоғары қарай