Ауа райы
Астана 17 °С
Алматы 17 °С
валюта бағамы
USD 405.69
EUR 455.51
RUB 5.72
CNY 57.42

Ақтөбедегі жол апатына байланысты қылмыстық іс қозғалды

2019 жылдың 5 қазан 2019 20:33

АҚТӨБЕ. ҚазАқпарат - Ақтөбедегі жол апатына байланысты қылмыстық іс қозғалып, тергеу басталды, деп хабарлайды ҚазАқпарат тілшісі.

Ақтөбе облыстық полиция департаментінің хабарлауынша, автобус пен жеңіл көлік соқтығысқан кезде автобус ішінде 34 жолаушы болған.

«Жол-көлік оқиғасы болған жерде 23 адам шұғыл медициналық көмек сұрап жүгінген, оның 9-ы бала мен алтауы ересек. Олар ауруханаға жатқызылды. Қазіргі уақытта жол-көлік оқиғасы бойынша ҚР ҚК 345 бабы 2 тармағы бойынша сотқа дейінгі тергеу амалдары басталды», - беді Ақтөбе облысы полиция департаменті баспасөз қызметі.

Айта кетейік, Ақтөбе қаласындағы Солтүстік айналма жолдың 13 шақырымында жол-көлік оқиғасы тіркелді. Автобус ішінде №9 мектеп-гимназиясының 18 оқушы мен 9 ата-ана болған.

Автобус жүргізушісі жол ережесін бұзып, Тәжікстан азаматы мінген «Ниссан» көлігімен түйісіп қалды. Сол кезде автобус аударылды.

Жоғары қарай