Ауа райы
Астана -18 °С
Алматы -6 °С
валюта бағамы
USD 421.58
EUR 496.83
RUB 5.53
CNY 62.20

Ақтөбеде жол апатынан үш адам көз жұмды

2020 жылдың 13 тамыз 2020 12:01

АҚТӨБЕ. ҚазАқпарат – Ақтөбеде бірнеше жол апаты болды. Көлік жүргізуші мен екі жолаушы көз жұмды, деп хабарлайды ҚазАқпарат тілшісі.

Оқыс оқиға 11 тамыз күні сағат 18:40-да «Ақтөбе-Богословка» трассасы бойындағы Сазды ауылы маңында болған. «Opel Vectra» автокөлігінің 20 жастағы жүргізушісі жолдың қарсы бетіне шығып «Toyota Camry» маркалы автокөлікпен соқтығысқан. Жол-көлік оқиғасы салдарынан «Opel Vectra» автокөлігінің екі жолаушысы ауыр жарақаттан жедел жәрдем ауруханасында көз жұмды. «Toyota Camry» автокөлігінің 4 жолаушысы ауруханаға жеткізілді. Оның үшеуі тексеруден өтіп, біреуі ауруханаға жатқызылды.

«Opel Vectra» автокөлігінің жүргізушісі жедел жәрдем ауруханасының нейрохирургиялық бөліміне жатқызылды. Тексеру кезінде өткен жылы мас күйінде көлік жүргізгені үшін куәлігінен айырылғаны белгілі болды. Жол-көлік оқиғасы дерегі бойынша Қылмыстық кодекстің «Көлік құралдарын басқаратын адамдардың жол қозғалысы немесе көлік құралдарын пайдалану ережелерін бұзуы» бабы бойынша сотқа дейінгі тергеп-тексеру басталды. Бірқатар қажетті сараптамалар тағайындалды», - деп хабарлады облыстық ПД баспасөз қызметінің жетекшісі Ерболат Сарқұлов.




Тағы бір жол апаты «Самара-Шымкент» тасжолында болды. «Аudi 100 C4» автокөлігінің 33 жастағы жүргізушісі қарсы қарсы бағытқа шығып, «Iveco МІ 80E» маркалы жүк көлігімен соқтығысты. Жеңіл көлік жүргізушісі сол жерде көз жұмды. Осы оқиға бойынша да сот алды тергеу жұмысы басталды.





Жоғары қарай