Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Ақтөбеде полицейлер борышкерлерді ауруханада жатқан жерінен тапты

2021 жылдың 9 қыркүйек 2021 00:49

АҚТӨБЕ. ҚазАқпарат – Ақтөбеде «Борышкер» акциясы басталды. Бір күнде берешегі бар 20-дан астам анықталып, оларға хаттама толтырылды, деп хабарлайды ҚазАқпарат тілшісі.

Полиция борышкерлер мен алимент төлемейтіндердің санын азайту мақсатында жедел - алдын алу шарасын өткізіп жатыр. Баласының күтіміне ақша бермей жүргендер мен салықтан жалтарғандарды анықтау кезінде 20-дан астам адамды ұстады.

«Облыстық полиция департаменті қала тұрғындары мен қонақтарын қоғамдық тәртіпті немесе жол қауіпсіздігін бұзғаны үшін салынған әкімшілік айыппұлды дер кезінде төлеу керек екенін ескертеді. Мерзімінде төленбеген жағдайда мәжбүрлеп өндірілмек. Жолда көлік тоқтатып қана қоймай, полиция қызметкерлері жан-жақты іздеу жүргізіп, ауруханада жатқан адамға да баласына алимент төлемей жүргенін еске салды. Бұл шара әрі қарай жалғаса береді», - деді облыстық ПД баспасөз қызметінің жетекшісі Ерболат Сарқұлов.


Жоғары қарай