Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Ақтөбеде коронавирус инфекциясын жұқтырған үш бала жансақтау бөлімінде жатыр

2021 жылдың 27 тамыз 2021 16:25

АҚТӨБЕ. ҚазАқпарат – Ақтөбеде коронавирус жұқтырған 458 баланың 26-ы инфекциялық стационарда ем қабылдап жатыр, деп хабарлайды ҚазАқпарат тілшісі.

Ақтөбе облысы бойынша бір тәулікте 452 адамнан коронавирус инфекциясы анықталды. Көбі дерттің симптомды түріне шалдыққан. Облыстық санитариялық-эпидемиологиялық бақылау департаменті басшысының орынбасары Мұхтар Сербаевтың айтуынша, оның 37-і 14 жасқа толмаған бала.

«Балаларды емдеу үшін стационардан 50 кереуеттік орын дайындалды. Қазіргі кезде 26 бала ем қабылдап жатыр. Оның үшеуі жансақтау бөлімінде. Оларға қажетті ем-дом жасалып жатыр. Қуанышқа орай, вирус жұқтырған балалар арасында қайғылы жағдай тіркелмеді. Дегенмен бұрын біз «көбіне ересек адамдар жұқтырып, ауырады» деп айтсақ, қазір жастар мен балалар арасында да өсім бар», - деді облыстық денсаулық сақтау басқармасының басшысы Рүстем Исаев.

Өңірлік коммуникациялар қызметінде өткен баспасөз мәслихатында балаларға арналған вакцина туралы да айтылды.

«Балаларға Pfizer вакцинасын салдыру жоспарда бар. 12-18 жас аралығындағы балалар қамтылады. Қазір бұл туралы Денсаулық сақтау министрлігі де айтып, ақпарат беріп отыр. Бір ерекшелегі, вакцинаны сақтаудың өз ерекшелігі бар. Талап бойынша -80°C сақталуы тиіс. Мұндай сақтау орны тек қан орталығында бар. Вакцина әкелінсе, біз арнайы кесте бойынша тасымалдап, сол нысанда балаларды вакцинациялауды жоспарлап отырмыз. Бұл шамамен қазан айында жасалатын жұмыс», - деді Рүстем Исаев.


Жоғары қарай