Ауа райы
Астана 19 °С
Алматы 19 °С
валюта бағамы
USD 405.69
EUR 455.51
RUB 5.72
CNY 57.42

Ақтөбеде ертеңнен бастап балабақшалар жұмысын бастайды

2020 жылдың 26 мамыр 2020 13:28

АҚТӨБЕ. ҚазАқпарат – Ақтөбе қаласында балабақшаның кезекші тобы мен бірнеше сауда орындары ертең жұмысын жандандырады, деп хабарлайды ҚазАқпарат тілшісі.

Ақтөбе облысының әкімі Оңдасын Оразалин онлайн режимде соңғы тіркелген жағдайлар мен ертең жұмысын бастайтын кәсіпорындар туралы айтып берді.

«Азық-түлік, мал базарлары, құрылыс материлдарын, киім-кешек сататын базарлар сағат 10:00-ден 17:00-ге дейін жұмыс істейді. Спорт нысандарында көрерменсіз, 30 адамға дейін оқу-жаттығу жұмыстары басталады. Сауда үйлері мен ірі сауда орындалықтары, дүкендерге де рұқсат беріледі. Балабақшалардың кезекші тобы 8:00-ден 18:00-ге дейін жұмыс істейді. Азық-түлік жәрмеңкесі 08:00-13:00 аралығында болады. Қоғамдық тамақтану, жазғы кафелер 10:00-22:00-ге дейін 50 адамға дейін қызмет көрсете алады. Бірақ туған күн, той, садақа, ас сияқты топтасып жиналатын шараларға тыйым салынады. Саябақтар мен скверлер жұмысын бастайды», - деді облыс әкімі Оңдасын Оразалин.

Еске салсақ, Ақтөбеде балабақшаны ашу туралы ұсыныс екі апта кейінге шегерілген болатын.



Жоғары қарай