Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Ақтауда жастардың жаппай төбелесі: Полиция мәліметі

2021 жылдың 14 қазан 2021 13:46

АҚТАУ. ҚазАқпарат - Әлеуметтік желіде Ақтауда жаппай төбелес ұйымдастырған жастардың видеосы тарады, деп хабарлайды ҚазАқпарат тілшісі.

Маңғыстау облыстық Полиция департаменті аталған видеоға қатысты ақпарат таратты. Ведомствоның баспасөз қызметінің мәліметінше, оқиға 13 қазанда болған. Сол күні сағат 23:38 шамасында «102» кезекші пультіне 27 және 28-шағынаудандар аралығында төбелес болып жатқаны туралы шақыру түсті. Маңғыстау облыстық ауруханасына ешкім дене жарақатымен жүгінбеген.

«Қазіргі уақытта аталған факті бойынша Ақтау қалалық полиция басқармасы тексеру жүргізуде. Барлық бейнебақылау камералары тексеріліп, тұлғаларды анықтау жұмыстары жүріп жатыр»,- делінген баспасөз хабарламасында.


Видео: Lada.kz
Жоғары қарай