Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Ақсуда қарттар үйінен өрт шығып, бір адам зардап шекті

2021 жылдың 24 қыркүйек 2021 21:01

НҰР-СҰЛТАН. ҚазАқпарат – Оқиға орнында жеке құрамнан 12 адам мен 4 техника жұмыс істеді, деп хабарлайды Рavlodarnews.kz.

Облыстық ТЖД баспасөз қызметінің мәліметінше, 23 қыркүйекте сағат 18.39-да Набережная көшесі, 27 мекенжайы бойынша Павлодар облысы жұмыспен қамтуды үйлестіру және әлеуметтік бағдарламалар басқармасына қарасты Ақсу қаласының қарттар мен мүгедектерге арналған жалпы үлгідегі арнаулы әлеуметтік қызмет көрсету орталығында өрт шыққаны туралы хабарлама түскен.

- Екінші корпустың бесінші қабатында № 14 палатада 2 ш.м. алаңда матрац бықсып, қатты түтін пайда болған. Өрт сөндірушілер баспалдақ маршы бойынша 4-ші және 5-ші қабаттардан 60 адамды эвакуациялады. Автосаты қолданылды. Газ-түтіннен қорғау қызметінің буыны бесінші қабаттағы палатаның терезесіне құрастырылған қол оқпанын берді, - деді департаментте.

Өрт сөндіру бөлімшелері келгенге дейін бөлімше қызметкерлері зардап шеккен 1937 жылы туған ер адамды эвакуациялады. Ақсу қаласының орталық ауруханасына жатқызылды.

Өрт 19 сағат 09 минутта сөндірілді.

Өрттің шығуына төсекте темекі шегу себеп болған. Шығын келтірілмеді.


Жоғары қарай