Ауа райы
Астана -1 °С
Алматы 8 °С
валюта бағамы
USD 421.58
EUR 496.83
RUB 5.53
CNY 62.20

Ақмола облысында үй құстары қырылған ауылға шектеу шаралары енгізілді

2020 жылдың 22 қыркүйек 2020 15:40

КӨКШЕТАУ. ҚазАқпарат – Ақмола облысында үй құстары жаппай қырылған ауылға шектеу шаралары енгізілді, деп хабарлайды ҚазАқпарат тілшісі.

Облыстық Тауарлар мен көрсетілетін қызметтердің сапасы мен қауіпсіздігін бақылау департаментінің мәліметінше, Жарқайың ауданының Шойындыкөл ауылында 200-ден астам үй құсы (қаз, үйрек, тауық) өлген. Құстардың жаппайы қырылуы ауылдағы 65 үйдің 19-ында тіркелген. Құстардың өліміне құс тұмауы күдік туғызып отыр.

«Ветеринарлық қызметтер үй-үйді аралап, тексеруде. Тұрғындардың арасында құс тұмауымен ауру оқиғасы тіркелген жоқ. Аудан әкімінің қаулысы және аудандық штабтың шешімен Шойындыкөл ауылына шектеу енгізілді. Оның ішінде, үй құстарының барлық түрінің қозғалысына, аса қажеттілік болмаса ауыл тұрғындарының жүріп-тұруына тыйым салынды», - деді ведомстводан.

Тұрғындар арасында құс тұмауын болдырмау және індеттің таралуының алдын алу бойынша Жарқайың аудандық әкімдігі, аудандық тауарлар мен көрсетілетін қызметтердің сапасы мен қауіпсіздігін бақылау басқармасы және ветеринарлық қызмет мамандары түсіндіру жұмыстарын жүргізуде.

Елімізде құс тамуының таралуына байланысты Ақмола облысы аумағында кешенді шаралар қолға алынған болатын.

ҚР Ауыл шаруашылығы министрлігінің мәліметіне сәйкес, Қазақстанда құс тұмауы 5 өңір аумағында тіркеліп отыр.

Вице-министр Гүлмира Исаева құс тұмауының ел аумағында өршу себебін, шаруа иелеріне өтемақы төлеу шарттарын түсіндірді.

Сондай-ақ індеттің адамға қаупі бар-жоғын айтып берді.




Жоғары қарай