Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

Ақмола облысында өзен жағасынан гранаталар табылды

2021 жылдың 10 қазан 2021 12:58

КӨКШЕТАУ. ҚазАқпарат - Ақмола облысының Аршалы ауданы аумағында бірнеше граната табылды, деп хабарлайды ҚазАқпарат тілшісі.

Облыстық ПД баспасөз қызметінің мәліметінше, биылғы жылғы қазанның 9-да сағат 17:40-та Аршалы аудандық ПБ кезекшілік бөліміне Нұр-Сұлтан қаласындағы Полиция департаменті Жедел басқару орталығынан хабар түскен. Онда 1974 жылғы ер адамның Аршалы ауданы Арнасай ауылы маңында балық аулап жүргенінде гранатаға ұқсас затты көргені айтылған.

«Есіл өзені арқылы өтетін көпірдің маңын тексеру кезінде Арнасай ауылынан 700 метр қашықтықтан атылған әскери емес 3 граната және 1 дыбыс немесе түтін шығаратын гранатаның сыртқы корпусы табылды. Табылған заттарды тексеріп, көруге Нұр-Сұлтан қаласындағы Полиция департаментінің кинологтары мен саперлері тартылды», - деді ведомстводан.

Ведомстводан атап өткендей, осыған байланысты материалдар Аршалы аудандық полиция бөлімінің мәліметтерді тіркеу кітабына енгізілді.





Жоғары қарай