Ауа райы
Астана -25 °С
Алматы -7 °С
валюта бағамы
USD 421.58
EUR 496.83
RUB 5.53
CNY 62.20

АИИБ індетпен күрес аясында Қазақстанға қаржы қарастырды

2020 жылдың 24 қараша 2020 11:15

НҰР-СҰЛТАН. ҚазАқпарат – Мәжілістің жалпы отырысында «Қазақстан мен Азия Инфрақұрылымдық Инвестициялар Банкі арасындағы Қарыз туралы келісімді ратификациялау туралы» заң жабасы мақұлданды, деп хабарлайды ҚазАқпарат тілшісі.

«2020 жылғы 13 тамыздағы №386 ҚР Президентінің Жарлығына сәйкес 661 млн 800 мың еуро сомасындағы Қазақстан Республикасы мен Азия Инфрақұрылымдық Инвестициялар Банкі арасындағы Қарыз туралы келісімге қол қойылды. Қарыз бюджет тапшылығын қаржыландыруға бағытталатын болады. Яғни COVID-19 пандемиясының салдарына қарсы күрес және экономиканы қалпына келтіру бойынша ҚР Үкіметінің шараларын қолдауға мүмкіндік береді.

Қарыз 3 жылдық жеңілдікті кезеңді қоса алғанда, 10 жыл өтеу мерзіміне беріледі. Сыйақы мөлшерлемесі ‒ Еурибор+0,50%», - деді ҚР Қаржы министрі Ерұлан Жамаубаев.

Келісімде белгiленген қаржылық шарттарға сәйкес, қарызға қызмет көрсету және оны өтеу республикалық бюджет қаражаты есебiнен жүзеге асырылатын болады.

«Көрсетілген қаражатты тарту бюджеттің бекітілген тапшылығы жағдайында өте маңызды болып отыр. Бұл қаражат Азия Инфрақұрылымдық Инвестициялар Банкінің пандемияға қарсы күрес жөніндегі арнайы бағдарламасы аясында Қазақстан Республикасы үшін резервтеліп қойылған», - деді министр.


Автор Руслан Ғаббасов
Басты сөздер: Мәжіліс, Банктер,
Жоғары қарай