Ауа райы
Астана +7 °С
Алматы +14 °С
валюта бағамы
USD 421.58
EUR 496.83
RUB 5.53
CNY 62.20

90 жастағы актер New Shepard кемесімен ғарышқа ұшты

2021 жылдың 14 қазан 2021 04:17

НҰР-СҰЛТАН. ҚазАқпарат - Канадалық Голливуд актері, аңызға айналған ғылыми- фаетастикалық «Жұлдызды трек» телехикаясының жұлдызы Уильям Шатнер сәрсенбіде ғарышқа ұшты, деп хабарлайды ҚазАқпарат ВВС-ге сілтеме жасап.

Ол кәсіпкер Джефф Безостың Blue Origin суборбиталдық New Shepard кемесі экипаж мүшелерінің бірі болды.

Star Trek-тің алғашқы маусымында капитан Кирк рөлімен танымал Шатнер Жаңа Шепардтың екінші ұшырылымына қатысты.




Актер ғарыштағы ең қарт адам болды. Ұшуды басқару кеңсесі сапар жоспарға сәйкес өтті деп хабарлады. Ғарышкерлер отырған капсула Техасқа қалыпты түрде қонды. Мәлім болғандай, ұшуға қатысушылардың барлығы өзін қалыпты сезінеді.

Қонғаннан кейін капсула люгін ашқан Безосқа: «Сіз маған ең терең тәжірибе бердіңіз ... менің кеудем эмоцияға толы», - деді. Ал старт алдында актер алдағы сынақтан аздап қорқатынын мойындаған болатын.




Шатнердің ұшуы шамамен 10 минутқа созылды. New Shepard ғарыш кемесі 100 километрден астам биіктікке көтерілді, оны көптеген адамдар ғарыштың шекарасы деп санайды. Қысқа уақыт ішінде экипаж салмақсыздық сезімін бастан кешірді және Жердің дөңгеленген сұлбаларын көрді.




Шатнер сапар алдында: «Ғарышқа ұшудың, жұлдыздарға жақын болудың және тартылыс күшінің нөлдік деңгейінде болудың жұмбақ күші бар. Мен ғарыштың көрінісін тамашалаймын. Мен жер шарына қарап, оның сұлулығынан ләззат алғым келеді», - деген болатын.




Басты сөздер: Әлем, Ғарыш,
Жоғары қарай